Mangkene

Duh Gusti…

Jebul mangkene

Atiku rasane kaya diiris-iris

Senajan wus tak coba

Nanging aku isih durung bisa nampa

Duh Gusti…

Paringana pitulung marang awakku iki

Yen pancen mangkene dadine

Aku tansah lila nrima kasunyatan iki

Read More

Nelangsa

Aku nelangsa…

Amarga kebacut tresna

Ora ngira saiki aku cidera

Samesthine atiku nelangsa

Kepriye maneh iki emang wus dadi nasibku

Kudu nandhang lara kaya mangkene

Remuk atiku yen eling karo janjimu

Ora ngira jebul mung lamis

Read More

Sulingmu

Cumengkling swara anganyut

Suwe sangsaya anglangut

Agawe kerantaning ati

Saya nelangsa ing wengi sepi

Aja aja kanca

Lagumu  tinerusna

Ginanti lagu gembira

Aja nuruti trenyuhing nala

Kang bakal angrusak raga

Satemah mungkasi nyawa

Read More

Angin

Sumilire angin

Agawe tentreme atiku

Lambeyane blarak

Katon ngawe-awe

Swara ombak sing ndayu-ndayu

Saya gawe betah

Anggonku leyeh-leyeh

Apa maneh karo nyawang sumuruping srengenge

Read More

Panjalukku

Wus dakjaluk marang sliramu

Tatkalane wektu isih bebarengan

Nanging panjalukku

Kaya prenjak kang kabedhil swiwine

Ilang unine

Sliramu uga isih lumaku ing gisik

Ngambali pitakon lan panjalukku

Kanthi unthuk-unthuk kang sirna

Tatkalane surya mencorong

Pratanda dina wus rina

Read More